БАРОИ ПӮСТИ ҲАССОС, ХУШК, ПАЖМУРДА ВА РАВҒАНИН АЗ КАДОМ САБЗАВОТУ МЕВАГИҲО ИСТИФОДА НАМУД?

Барои пӯсти хушк сабзи низ ёрии хуб мерасонад. Сабзиро аз турбтарошаки ҳаҷмаш калон гузаронида ба он як чумчаи калон вино ҳамроҳ намоед. Ва ин ниқобро ба рӯятон молида муддати 20 дақиқа нигоҳ доред. Пас аз он бо оби ширгарм бишӯед. Ин ниқоб пӯсти рӯйро маҳин, таранг, ҷилодор ва зебо мегардонад. Метавонед ингуна ниқобро  ҳафтае, 2-3 маротиба истифода намоед.

Ниқоб барои таранг ва сафед намудани пӯсти рӯй. Пӯсти картошкаро дар аввал ба рӯятон муддати 5 дақиқа гузоред. Ва метавонед онро ҳафтае ду маротиба истифода намуда муддаташро дарозтар намоед. Ва пас аз 5 дақиқа рӯятонро бо оби ширгарм шуста ба руятон креми пӯсти рӯйро мулоимкунанда бишакед. Он пӯсти рӯйро таранг  ва сафед менамояд.

Барои пӯсти хушк. Баргҳои карамро тоза шуста муддати 15-20 дақиқа дар рӯятон нигоҳ доред. Он пӯстро маҳин ва зебо мегардонад.

Барои пӯсти равғанин. Карамро аз гӯштқимакунак гузаронида  сафедии тухм ва камее афшураи лимӯро илова намуда ба рӯю гардан бимолед ва муддати 15-20 дақиқа нигоҳ доред. Пас бо оби ширгарм бишӯед.

Барои пӯсти ҳассос.  Шарбати картошкаро ба рӯй бишакед ва муддати 5 дақиқа нигоҳ доред он ба  пӯсти ҳассос манфиати хуб мерасонад.

Барои сафед ва зебо намудани пӯст марминҷон низ фоидаи калон дорад. Марминҷон барои рафъи рихинак низ манфиати хуб дорад. Истифодаи марминҷон хело содда аст. Марминҷонро ба рӯю ва он ҷои баданатон, ки рихинак дорад бишакед ва муддати 20 дақиқа нигоҳ доред пас аз он бо оби наонқадар хунук бишӯед.

Барои сафед намудан ва ҳассосиву рихинакро  нест намудан афшураи лимӯ низ манфиати хуб дорад. Ки истифодаи он ҳам низ хело сода мебошад. Афшураи лимӯро ба рӯятон молида муддати 10 дақиқа нигоҳ доред. Пас аз он рӯятонро бо оби ширгарм бишӯед.

Боз низ метавонед барои нигоҳ доштани пӯст аз сиёҳшави дар фасли тобистон афшураи лимӯро истифода намоед. Афшураи лимӯро 1/1  бо об омехта  намуда ба рӯй, гардан ва ҷои кушодаи баданро бишакед ва бод тли пур метавонед дар офтоби бигардед. Он пӯстро аз аллергия ва сиёҳшави нигоҳ медорад.

Метавонед боз афшураи петрушка ва ё  пюреи  онро барои сиёҳшудан аз офтоб истифода намоед.

Боз метавонед ба дохили скрабе, ки барои рӯю бадан мебошад ба дохили он афшураи лимӯ ва ё пюреи петрушкаро ҳамроҳ намоед. Ва ба рӯю гардан молида муддате чанд бо оби ширгарм бишӯед. Ин ниқоб низ пӯстро аз таъсири нурҳои офтоби тоза мегардонад.

Ниқоб барои сафед намудани пӯст.  Картошкаро аз турбтарошак гузаронида ним чумчаи майда равғани растани ва 1 чумчаи калон шир илова намоед. Ин ниқобро ба рӯю бишакед ва муддати 15-20 дақиқа нигоҳ доред. Пас аз он бо оби ширгарм бишӯед.

1чумчаи калон шароби ангурро бо 3 чумчаи калон сабзии аз турбтарошаки ҳаҷмаш калон гузаронидашуда якҷоя намуда ба рӯю гардан бимолед ва муддати 15-20 дақиқа нигоҳ доред. Пас бо оби ширгарм бишӯед.

Сараева Ф.