УСУЛИ БОЭЪТИМОДИ ЛОҒАРШАВИРО МУАЙЯН КАРДАНД

Ходимони Донишгоҳи Хелсинки муайян намудаанд, ки истифодаи чанбараки гимнастикӣ усули аз ҳама одии раҳо ёфтан аз вазни барзиёди бадан аст, навиштааст «Федерал Пресс».  

Тибқи маълумоти олимон таъсирнокии машқ бо чанбарак аз роҳравии 10 ҳазор қадам дар як рӯз бештар аст. Дар рафти тадқиқот 50 зани дорои вазни барзиёди бадан ширкат варзиданд, ки онҳоро ба ду гуруҳ тақсим кардаанд. Гурӯҳи якум тӯли 2 моҳ ҳамарӯза муддати 13 дақиқа чанбаракро даври миён тоб доданд ва гурӯҳи дуюм дар ин муддат 10 ҳазор қадам заданд. Баъдан онҳо табодули вазифа намудаанд.

Дар натиҷа табибон муайян карданд, ки машқ бо чанбарак аз қадамзанӣ дида, ду маротиба таносуби ҳаҷми равғаннокии баданро ба манфиати мушакҳо тағйир додаанд. Ҳамзамон, мавзун гаштани миёни занон мушоҳида гаштааст.

Аммо, ба ақидаи таҳқиқгарон роҳгардӣ ва машқ бо чанбарак барои ба эътидол овардани фишори шараёнӣ ва паст кардани сатҳи холестерин дар бадан таъсири баробар доранд.