ДАҲГОНАИ ДОРОТАРИН БОНУВОНИ ВАРЗИШГАР – 2019

Маҷаллаи амрикоии «Форбс» (forbs), ҳамасола рӯйхати бойтарин занони варзишгари ҷаҳонро нашр мекунад. Дар ин мавод оид ба дороии 10 бонуи сарватманд дар самти риштаи варзиши теннис ва голф дар соли 2019 маълумот медиҳем.

1.Серена Уилямс (Serena Williams), теннис — 120 миллион доллар

Серена Уилямс, ки ситора ва калонсолтарин варзишгари риштаи теннис дар тамоми ҷаҳон маҳсуб меёбад, то ҳанӯз ракеткаи аввали дунё шумурда мешавад. Серена 63,5 миллион доллар ҳамчун тӯҳфа ба даст овардааст, ки маблағи зиёдтарин миёни теннисбозон дониста мешавад. Ҳамчунин, ӯ соҳиби 5 медали тилло буда, дар 33 бозии бузурги ҷаҳонӣ дастболо гардидааст. Дар ҳоли ҳозир, 120 миллион доллар сарват дорад.  

2.Мария Шарапова (Mariya Sharapova), теннис – 90 миллион доллар

Бонуи дигари теннисбоз Мария Шарапова аз ҳисоби маблағҳои ҳамчун тӯҳфа соҳибгардида, 25 миллион доллари америкоӣ ба даст овардааст. Миқдори зиёди дороиҳои ӯ аз ҳисоби шартномаҳоест, ки бо корхонаҳои хориҷӣ дар самти тарғиб ба имзо расонидааст. Дар баробари риштаи варзишу тарғиб, ӯ ҳамчунин тиҷорати шахсии хешро дорост.

3.Анна Курникова, теннис — 50 миллион доллар

Теннисбози рус бо он ки фаъолияташро дар ин самт қатъ намудааст, мақомашро дар рӯйхати мазкур аз даст надодааст. Ӯ 50 миллион доллар сарват дошта, чун яке аз ситораҳои Интернет низ шинохта шудааст. Анна чандин маротиба дар мусобиқаҳои байналмилалӣ мақоми дувумро ишғол намуда, дар бозиҳои тақсимотӣ, ки солҳои 1999 – 2002 дар Австралия доир гардид, соҳиби мақоми аввал шуда буд. Мутаасифона, дар сини 21 солагӣ бо сабаби пайдо шудани дард дар китфонаш, риштаи теннисро канор гузошт. Новобаста ба ин, сарвартмандтарин бонуи теннисбоз боқӣ мондааст.  

4.Лорена Очоа (Lorena Ochoa), голф — 15 миллион доллар

Новобаста аз он ки голфбози мексикоӣ, Лорена Очоа ҳанӯз соли 2010 – ум аз варзиш канор рафтааст, вале ҳамоно ӯро чун яке аз доротарин варзишгарон медонанд. Лорена аз соли 2003 то 2010 дар мусобиқаи Ассотсиатсияи голфи касбии занона ширкат варзида, дар мақоми беҳтарин голфбозон ҷой гирифта буд. Се сол пайи ҳам, аз апрели соли 2007 то моҳи майи соли 2010, замони канор рафтанаш аз варзиш унвони «Беҳтарин зани бозингар» дар риштаи голфро ба худ ихтисос додааст. Дар тамоми таърихи Мексика беҳтарин голфбоз дониста мешавад. Бо 15 миллион доллар дроӣ дар рӯйхати сарвартмандон боқӣ мондааст.

5.Ана Иванович (Ana Ivanovic), теннис — 12 миллион доллар

Ин теннисбози сербистонӣ айни ҳол, миёни теннисбозони муваффақ дар зинаи панҷум қарор дорад. Ана бо корхонаи пойафзолбарорӣ ва либосаи «Adidas» шартнома дошта, бештари даромадҳои молияш аз ин ҳисоб гуфта мешавад. Дороии ӯ 12 миллион долларро ташкил медиҳад.  

6.Поула Кример (Paula Creamer), голф — 8 миллион доллар

Поула Кример голфбоз аз Амрико буда, баъзан ӯро аз рӯи ба бар намудани либоси гулобӣ, «Хонуми гулобипӯш» низ ном мебаранд. Ӯ дар 12 бозии касбӣ баранда гардидааст, ки 10 – тои он дар Ассотсиатсияи голфи касбии занона баргузор шудааст. Маблағи ҳангуфтро Поула соли 2010 ба даст овардааст. Ҳангоме, ки ӯ дар мусобиқаи кушодаи занона дар ИМА ширкат меварзид, бо задани чаҳор зарба соҳиби 585 ҳазор доллари америкоӣ шуд. Чандин маротиба миёни бонувони голфбози ҷаҳонӣ мақоми дувумро касб намудааст. Айни ҳол бо 8 миллион доллар дар рӯйхати бонувони сарватманд қарор дорад.

7.Инби Парк (Inbee Park), голф - 7,9 миллион доллар

Инби Парки 26 сола, аз Кореяи Ҷанубӣ аз 15 – уми апрели соли 2013 то 1 – уми июни соли 2014, голфбози беҳтарини ҷаҳон маҳсуб меёфт. Давоми фаъолияти кориаш дар панҷ мусобиқаи бузурги ҷаҳонӣ дастболо гардида, танҳо дар як сол дар чаҳор мусобиқа баранда гардидааст. Ӯ ҳамчунин, голфбози ҷавонтарине маҳсуб меёбад, ки дар Чемпионати кушодаи занона оид ба голф дар ИМА мақоми аввалро соҳиб шуд. Дороияш 7, 9 миллион доллари америкоиро ташкил медиҳад.

8.Криста Корри (Cristie Kerr), голф — 7 миллион доллар

Ӯ аз голфбозони касбии америкоист, ки беш аз 15 миллион доллари ИМА аз ҳисоби тӯҳфа ба даст овардааст. Фаъолияташро аз соли 1996 оғоз карда, дар мусобиқаи кушодаи занона оид ба голф дар ИМА, ки соли 2007 баргузор шуд, ғолиб гардид. Инчунин, барандаи мусобиқаи Ассотсиатсияи Голфи касбии занона (LPGA Championship) дар соли 2010 мебошад. Дар се марҳилаи соли 2010 – ум унвони «Беҳтарин голфбози ҷаҳон» - ро соҳиб гардидааст. Сарватмандтарин бону буда, 7 миллион доллар дороӣ дорад.

9.Агнешка Радванский (Agnieszka Radwanska), теннис – 6,9 миллион доллар

Ин бонуи теннисбоз 25 сол дошта, зодаи Полша мебошад. Бино ба маълумоти Ассотсиатсияи занҳои теннисбози ҷаҳон, айни ҳол Агнешка дуввумин ракеткаи ҷаҳонӣ дар риштаи теннис маҳсуб меёбад. Ӯ дар 14 бозӣ ғолиби мутлақ дониста шудааст. Соли ҷорӣ дар Уимблдон, вай аввалин бозингари полшагӣ дар таърихи ин кишвар буд, ки аз даври финалӣ то ба зинаи маросими кушода роҳ ёфт ва ғолибиятро ба даст овард. Давоми дувоздаҳ моҳ 4, 9 миллион доллар ҳамчун тӯҳфа гирифтааст. Сарпарастонаш ширкатҳои «Лотто», «Баболат» ва «Лексус» мебошанд. Бо 6, 9 миллион доллар дар рӯйхати бойтаринҳост.

10. Яни Тсенг (Yani Tseng), голф – 6,1 миллион доллар

Янг Тсенг голфбози тайвандиест, ки то ин дам дар таърихи голф яке аз ҷавонтарин варзишгар миёни бонувону мардон маҳсуб меёбад ва дар панҷ бозии асосӣ ғолибиятро ба даст овардааст. Новобаста аз он ки 25 сол дорад, тӯли дуюним соли охир дар 20 бозӣ баранда гардидааст. Сар аз соли 2011 то 2013, ӯ ҳамеша сазовори ҷойи аввал ва яке аз бойтарин бонуи сарватманд шинохта гардида буд. Дар рӯйхати имсола сазовори ҷойи дуввум гардидааст. Дороии ӯро 6,1 миллион доллар мегӯянд.  

Бунафша