РЕЙТИНГИ ФИФА: ТОҶИКИСТОН ИН МОҲ НИЗ МАВҚЕАШРО ТАҒЙИР НАДОД

Миёни 46 дастаи қораи Осиё тими миллии Тоҷикистон ба як зина поин рафта, дар ҷои 14-ум аст. Аммо дар байни мунтахабҳои собиқ Шӯравӣ зинаи нуҳумро касб мекунад. Тими миллии Тоҷикистон аз Озорбойҷон, Латвия, Туркманистон, Молдовв, Қирғизистон ва Қазоқистон пешгомтар аст.

Аммо дар садри рейтинги ФИФА тими миллии Испания бо 1614 имтиёз нишастааст. Олмон бо 1416 хол дуюм ва Аргентина бо 1287 имтиёз сеюманд. Даҳгонаи аввал ба ин тариқ аст: Хорватия (1222, 4-ум), Нидерландия (1158, 5-ум), Португалия (1137, 6-ум ), Колумбия (1123, 7-ум), Италия (1097, 8-ум), Англия (1095, 9-ум) ва Эквадор (1066, 10-ум).

Ёдовар мешавем, ки Федератсияи байналмилалии футбол рейтинги пешсафонро аз рӯи холи умумии ба дастовардаи дастаҳо дар ҳар бозӣ муайян мекунад. Дар натиҷа ҳар тиме, ки холи зиёд мегирад, он тим пешсаф унвон мешавад. 

Бобомуродова Г.