ИШТИРОКИ ГУШТИГИРДУХТАРИ ТОҶИК ДАР МУСОБИҚАИ ОСИЁ

Ба гуфтаи манбаъ, варзишгари наврас Азиза Азизова соли гузашта дар Мусобиқаи Осиё оид ба гуштини самбо байни бонувон, ки дар шаҳри Тошканди Ҷумҳурии Узбакистон баргузор шуд, сазовори медали нуқра ва роҳхат ба мусобиқаи Осиёӣ «Сеул-2013» гардида буд.

- Мусобиқаи Осиё оид ба гуштини самбо «Тошканд-2012» барои Азиза Азизова нахустин имтиҳон дар сатҳи байналмилалӣ ба ҳисоб мерафт ва вай мавқеи худро дар сархати самбочиёни беҳтарини Осиё пайдо кард, - мегӯяд ҷаноби Маҷидов.

Азиза Азизова алъон хонандаи синфи 10-уми мактаби таҳсилоти умумии №1 шаҳри Сарбанд аст. Ӯ дар моҳи апрели соли ҷорӣ дар мусобиқаи ҷумҳуриявии зурозмоии универсалӣ қаҳрамони Тоҷикистон гардида буд.

Ёдрас мешавем, тибқи низомномаи Мусобиқаи Осиё оид ба гуштии самбо 30 май дар шаҳри Сеул баркашии варзишгарон баргузор гардида, муҳорибаҳо 1-уми июн оғоз шуда буданд. Варзишгардухтари тоҷик Азиза Азизова дар вазни 65 килограмм ҳунарнамоӣ хоҳад кард.