БОЗИИ ДӮСТОНАИ ТОҶИКОНУ АФҒОНҲО

Бояд гуфт, бозӣ бо ташаббуси Федератсияи волейболи Афғонистон  сурат гирифта, ҳадаф аз он мубодилаи таҷрибаи дастаҳои ду кишвар буд.

Узви тими миллии волейболи Афғонистон хонум Динос чунин ибрози андеша намуд: «Аз бозиҳои баргузоршуда шогирдони мо хеле дастовардҳо гирифтанд. Ба хотири он, ки дар Афғонистон вазъ ноором аст, духтарон наметавонанд, озодона ба ин навъи варзиш машғул шаванд».

            Мастура Орзу, хабарнигори радиои варзиши Афғонистон, узви тими волейболи Афғонистон ба ин назар аст, ки гарчи Афғонистон таҷрибае хубе дар бахши варзиш, хусусан, волейбол надорад, аммо мусобиқаҳо хуб анҷом ёфтанд. ӯ аз ҷумла, чунин гуфт: « Афғонистон кишвари ҷангзада аст, аз ин рӯ, варзиш хеле қафо монда. Масалан, ҷойи тамрингоҳ, ҷойҳои махсус  барои мусобиқот, варзишгоҳи сарпӯшида ва ғайраҳо надорем, то варзиши дастаҳо рушд кунад». 

Ба қавли Мастура, дар Кобул танҳо баъд аз суқути Ал-қоида дубора варзиш барқарор шуд ва баъд аз 30 сол ин аввалин бозии дастаи волейболбозони занона аст, ки берун аз кишвар ширкат меварзанд.

Аз сӯҳбат бо варзишгарони дигари дастаи волейболбозон бармеояд, ки бо вуҷуди ин, ҳанӯз ҳам баъзе мушкилот домангири духтарон дар кишвари ҳамсоя аст. Аммо, дар риштаи тэквандо, бингбон, баскетбол, каратэ, шатранҷ дастаҳои занона фаъолият дошта, дастоварди хубе дар мусобиқоти ҷаҳонӣ доранд. 

«Баъди дидор аз Тоҷикистон ва бозиҳои анҷомёфта, нақша гузоштем, ки ҳамасола дастаҳои занонаи варзиширо барои таҷриба касб кардану тамриноти муштарак доштан, ҳатман ба кишвари зебои Тоҷикистон биёрем»,- изҳори умед кард Мастура Орзу. 

Саида Қурбонова