Саҳми намояндагиҳои дипломатии ҷумҳурӣ дар хориҷа ҷиҳати муаррифии Тоҷикистон назаррас аст

Дар нишасти матбуотии Вазорати корҳои хориҷии Тоҷикистон, ки санаи 16 феврал баргузор гардид, гуфта шуд, ки бо мақсади муаррифии арзишҳои таърихию фарҳангӣ, зарфиятҳои сайёҳӣ, рушди иқтисодии кишвар ва дар маҷмӯъ тақвияти симои Тоҷикистон, инчунин гузарондани корҳои муайян, барои муттаҳидии ҳамватанон дар хориҷи кишвар, намояндагиҳои дипломатии ҷумҳурӣ дар хориҷа саҳмгузор буданд.

Ба иттилои Вазир Сироҷиддин Муҳриддин дар самти дипломатияи фарҳангӣ Куллиёти Мавлоно Ҷалолуддини Балхӣ ва ёдгории фарҳанги ҷаҳонии қитъаи “Зарафшон-Қароқум”-и Роҳи Абрешим, ёдгории табиии “Бешаи Палангон” ба феҳристҳои хотироти ҷаҳонӣ ва мероси ҷаҳонии UNESCO шомил карда шуд. Ҳамчун номинаи миллии Тоҷикистон “Анъанаи бофтани атласу – адрас”, номинаи муштараки Тоҷикистон ва Эрон “Ҷашни Сада” ва номинаи “Санъати зарҳалкорӣ” тавассути ҳамкории бисёрҷониба ба Феҳристи мероси ғайримоддии башарият ворид гардиданд.