Соли 2023 дар Тоҷикистон 729 коргоҳи нави саноатӣ бо 4846 ҷойҳои нави корӣ таъсис ёфтааст

Бо мақсади ноил гардидан ба ҳадафи чоруми стратегии мамлакат – саноатикунонии босурати кишвар, зиёд кардани ҳаҷми истеҳсоли маҳсулот ва таъмини талаботи бозор бо маҳсулоти рақобатпазири ватанӣ ва тасиси ҷойҳои нави корӣ як қатор табдирҳо амалӣ гардидаанд.

 Соли сипаригардида дар кишвар 729 корхонаи нави саноатӣ бо 4846 ҷойҳои нави корӣ мавриди истифода қарор гирифт, ки дар натиҷа ҳаҷми истеҳсоли маҳсулоти саноатӣ ба 46,8 млрд. сомонӣ баробар гардид ва суръати рушди он 12 фоизро ташкил дод. Дар ин бора вазири рушди иқтисод ва савдои Ҷумҳурии Тоҷикистон Завқӣ Завқизода рӯзи 13 феврал, зимни нишасти матбуотии ин ниҳод иттилоъ дод.

   Рушди саноат аз ҳисоби 12,3 фоиз афзоиш ёфтани ҳаҷми истеҳсоли маҳсулоти саноати коркард, 11,7 фоиз саноати истихроҷ, 7 фоиз таъминоти неруи барқ, газ, буғ ва тозакунии ҳаво ва 20,9 фоиз таъминоти об, тозакунӣ, коркарди партовҳо ва дастрасии коркарди дуюмдараҷа таъмин гардидааст.