Донишҷӯёни Донишкадаи давлатии санъати тасвирӣ ва дизайни Тоҷикистон дар озмунҳо ҷойҳои ифтихориро сазовор гардидаанд

61 нафар омӯзгорону донишҷӯёни Донишкадаи давлатии санъати тасвирӣ ва дизайни Тоҷикистон дар озмуни ҷумҳуриявии “Тоҷикистон - ватани азизи ман” ширкат намуда, аз ин теъдод 31 нафар ба даври ниҳоии озмун роҳ ёфтаанд. Дар ин бора ректори Донишкада Ҷамшед Ғанизода дар нишасти матбуотӣ, ки и 13 феврал баргузор гардид, ба хабарнигорон иттилоъ дод.

Қайд гардид, ки бо намоиши беҳтарин асарҳои эҷодӣ дар номинатсияҳои санъати тасвирӣ ва дизайн 2 нафар сазовори ҷойи аввал, 5 нафар сазовори ҷойи дуюм ва 4 нафар сазовори ҷойи сеюми озмун шудаанд.

Ду нафар дастпарварони донишкада Муҳаммадҷон Ҳикматзода, дар номинатсияи санъати тасвирӣ ва Наргиза Саидова дар номинатсияи дизайн барандаи шоҳҷоизаи Озмун гардиданд, ки яке аз дастовардҳои беназири Донишкада дар нимсолаи дуюми соли 2023 ба ҳисоб меравад.