Дар Тоҷикистон 95 млн адад маводи доруворӣ ва молҳои тиббӣ истеҳсол шуд

 Рушди фарматсия ва молҳои тиббӣ яке аз самтҳои афзалиятноки соҳаи тандурустии кишвар ба ҳисоб рафта, дар ҷумҳурӣ ҳамагӣ 3236 муассисаи фарматсевтӣ фаъолият менамояд. 571 намуд доруворӣ ва молҳои тиббӣ, ки дар умум 325 номгӯйро ташкил медиҳанд, дар 61 корхонаи ватанӣ дар соли 2023 истеҳсол шудаанд.

Ин нуктаро Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар нишасти матбуотӣ, ки 12 феврал баргузор гардид, ба диққати хабарнигорон расонд.

Иттилоъ дода шуд, ки ҳаҷми истеҳсоли маводи доруворӣ ва молҳои тиббӣ дар соли 2023 зиёда аз 95 миллион ададро ташкил додааст.