Дар Донишгоҳи байналмилалии забонҳо 21 ихтисоси нав таъсис дода шуд

Имрӯз, 8-уми феврал зимни нишасти матбуотӣ ректори Донишгоҳи байналмилалии забонҳои хориҷии Тоҷикистон ба номи Сотим Улуғзода Жило Гулназарзода иттиллоъ дод, ки соли гузашта дар донишгоҳ 21 ихтисоси ба талаботи бозори меҳнати дохилӣ ва берунӣ ҷавобгӯй кушода шуд. Мавсуф иброз дошт, ки яке аз онҳо ихтисоси рӯзноманигорӣ бо роҳандозии ду равияи журналистӣ, яке рӯзноманигори байналмилалӣ ва дигаре рӯзноманигорӣ (шореҳи масоили сиёсӣ) аст.

Маълум гардид, ки ҳадафи асосӣ аз роҳандозии тахассусҳои мазкур омода намудани журналистони ҳирфаии донандаи забонҳои хориҷӣ аст.

    Ёдовар мешавем, ки дар соли таҳсили ҷорӣ нақшаи қабули Донишгоҳ аз рӯи ихтисосҳои амалкунанда аз 1186 ҷой, 1096 довталаб тариқи Маркази миллии тестии назди Президенти Ҷумҳурии Тоҷикистон ба Донишгоҳ дохил гардиданд.