Маркази миллии қонунгузории назди Президенти Ҷумҳурии Тоҷикистон унвонҷӯён ва магистрантҳоро омода мекунад

Яке аз самтҳои асосии фаъолияти Маркази миллии қонунгузории назди Президенти Ҷумҳурии Тоҷикистон тайёр намудани мутахассисони илмии соҳаи ҳуқуқ дар зинаҳои унвонҷӯӣ ва магистратура ба ҳисоб меравад. 25 нафар унвонҷӯ ва 14 нафар магистрон зери роҳбарии олимони варзидаи соҳаи ҳуқуқ дар Марказ таҳқиқоти хешро пеш мебаранд.

Ба иттилои директори Марказ Иззатулло Саидзода дар нишасти матбуотӣ, ки санаи 2 феврали соли равон баргузор гардид, то имрӯз ду нафар унвонҷӯёни Марказ рисолаҳои номзадии худро ҳимоя кардаанд.

Ҳамчунин иброз гардид, ки кормандони марказ бо мақсади баланд бардоштани малакаи тахассусии хеш дар семинар ва чорабиниҳои омӯзишии ҷумҳуриҳои Қазоқистон, Ӯзбекистон, Гурҷистон, Ҳиндустон, Латвия ва Белгия ширкат варзидаанд.