Соли 2024 барои соҳаи маориф 1 миллиарду 21 миллион сомонӣ зиёд шуд

2 феврали соли 2014 Вазири маориф ва илми Ҷумҳурии Тоҷикистон Раҳим Саидзода зимни нишасти матбуотӣ иброз дошт, ки дар соли 2023 аз ҳисоби ҳамаи сарчашмаҳои маблағгузорӣ 212 бинои муассисаи таълимӣ ва бинои иловагӣ бо 45 ҳазору 564 ҷойи нишаст дар як баст мавриди истифода қарор дода шуданд. Ин рақам дар соли 2022 ба 199 бино ва синфхонаҳои иловагӣ барои 44 ҳазору 910 ҷойи нишаст баробар буд.

Иттиллоъ дода шуд, ки аз ҷониби Ҳукумати Ҷумҳурии Тоҷикистон ҳамасола маблағгузории соҳаи маориф афзоиш дода мешавад. Аз ҷумла, дар буҷети давлатии соли 2024 барои соҳаи маориф 8 миллиарду 231 миллион сомонӣ маблағ ҷудо гардидааст, ки нисбат ба соли 2023 1 миллиарду 21 миллион сомонӣ ё 12,5% зиёд буда, 18,7 фоизи ҳаҷми умумии хароҷоти Буҷети давлатӣ ва 5,7% Маҷмуи маҳсулоти дохилиро ташкил медиҳад. Он соли 2023 7 миллиарду 210 миллион сомониро дар бар мегирифт.