Нахустин синамоҷашнвораи байналмилалии Душанбе «Тоҷи Сомон» доир мегардад

18-19 октябри соли 2023 дар шаҳри Душанбе бахшида ба Рӯзи кинои тоҷик бори аввал синамоҷашнвораи байналмилалии Душанбе «Тоҷи Сомон» таҳти шиори «Таърихи рушди тоҷикон» баргузор мегардад.

Ҷиҳати ширкат дар ин синамоҷашнвора беш аз 200 дархост аз кишварҳои хориҷӣ ворид гардида, тибқи талаботи низомномаи ҷашнвора 75 филмро комиссияи қабул интихоб намуда, ба ҳакамони байналмилалӣ пешниҳод кардаанд.

Ин синамоҷашнвора барои мутахассисони соҳаи кинои байналмилалӣ пешбинӣ шуда, дар он филмбардорони шинохта аз гӯшаву канори дунё ҳамчун меҳмонони фахрӣ ширкат меварзанд.

Шоҳҷоиза дар шакли ҳайкали Шоҳ Исмоили Сомонӣ ҳамчун рамзи давлатдории тоҷикон сохта шуда, ба ѓолиби ҷашнвора тақдим мегардад.

Манбаъ: Муассисаи давлатии «Тоҷикфилм»