58 МИЛЛИОН ДОЛЛАР БАРОИ ОБТАЪМИНКУНИИ ДЕҲОТ ҶУДО ШУД

Ҳукумати Ҷумҳурии Тоҷикистон  дар ҳамоҳангсозӣ бо Бонки Умумиҷаҳонӣ, Маркази идораи Лоиҳаи рушди инфраструктураи маҳаллӣ дар Тоҷикистон лоиҳаи «Обтаъминкунӣ ва беҳдошт дар деҳот» - ро ба маблағи 58 млн доллар татбиқ  намудааст, иброз дошт имрӯз директори генералии КВД «Хоҷагии манзилию комунналӣ» Усмон Давлатзода, дар нишасти матбуотӣ бо хабарнигорон.

Мавсуф иброз дошт, ки мақсади асосии ин лоиҳа беҳтарсозии вазъи воқеӣ дар соҳаи обтаъминкунӣ ва беҳдошти санитарӣ дар деҳоти ҷумҳурӣ буда, асосан барои минтақаҳои  ҷануби вилояти Хатлон - ноҳияҳои Вахш, Кӯшониён, Левакант, Дӯстӣ, Ҷайҳун ва ноҳияи Восеъ нигаронида шудааст.

Маълум гардид, ки лоиҳаи мазкур соли 2019  мавриди амал қарор дода шуда, анҷоми он соли 2025 ба нақша гирифта шудааст.