РАМАЗОН РАҲИМЗОДА АЗ АФЗОИШИ ҶИНОЯТ ДАР КИШВАР ХАБАР ДОД

2 феврал Рамазон Раҳимзода, вазири корҳои дохилии ҷумҳурӣ зимни  нишасти хабарии ин ниҳод аз афзоиши ҷиноят дар кишвар изҳори назар кард.

Бино ба иттилои ӯ, агар дар соли 2020 дар тамоми субъектҳои дахлдор дар ҷумҳурӣ 23 ҳазору 460 ҷиноят ба қайд гирифта шуда бошад, соли 2021 ин рақам 24 ҳазору 118 нафарро ташкил дод.

Соли гузашта командони вазорат 15563 чиноятро ошкор карданд, ки 80,5  дарсади дараҷаи ошкоршавии ҷиноятро ташкил медиҳад.

Дар давраи ҳисоботӣ 103 куштор ва сӯиқасд ба куштор, 38 роҳзанӣ, 138 ғоратгарӣ, 52 таҷовуз ба номус, 150 ҷинояти расонидани зарари вазнин, 1224 авбошӣ, 3263 факти қаллобӣ, 6425 ҳазор ҷинояти иқтисодӣ ба қайд гирифта шудааст.

Ҳамчунин, соли сипаришуда аз муомилоти ғайриқонунӣ 652 адад силоҳи оташфишон (дар соли 2020, 566 адад), аз ҷумла 48 автомат, 90 таппонча, 133 туфанг ва карабин, 360 аслиҳаи ҳамвор ва дигар намудҳои техникаи ҳарбӣ мусодира карда шуд.