ИФТИТОҲИ ФАКУЛТАИ НАВ ДАР ДОНИШКАДАИ ТЕХНОЛОГИЯ ВА МЕНЕҶМЕНТИ ИННОВАТСИОНӢ ДАР ШАҲРИ КӮЛОБ

Бо дастгирии Вазорати саноат ва технологияҳои нави Ҷумҳурии Тоҷикистон дар Донишкадаи технология ва менеҷменти инноватсионӣ дар шаҳри Кӯлоб дар ҳамкорӣ бо донишгоҳу донишкадаҳои Федератсияи Россия факултаи нави “Интеллекти сунъӣ ва таҳсилоти фосилавӣ” кушода шуд. Факултаи мазкур бо муосиртарин техника ва таҷҳизоти зарурӣ муҷаҳҳаз гардонда шудааст.

Айни замон дар ин факултаи навтаъсис беш аз 700 донишҷӯ таҳсил менамоянд. Барои боз ҳам беҳтар гардидани сифати таълим мутахассисони варзида аз Федератсияи Россия ҷалб гардидаанд.

Иттилоъ дода шуд, ки дар соли оянда донишҷӯёни факултаи Интеллекти сунъӣ ва таҳсилоти фосилавӣ метавонанд дар донишгоҳҳои Россия ва дигар донишгоҳҳои хориҷи мамлакат тариқи фосилавӣ таҳсили хешро идома диҳанд.