БОНУВОНИ ИХТИРОЪКОРИ ТОҶИК 20 МЕДАЛИ ТИЛЛОРО БА ДАСТ ОВАРДААНД

Дар даврони соҳибистиқлолии Ҷумҳурии Тоҷикистон 22 нафар ихтироъкори тоҷик соҳиби медали тиллои Созмони ҷаҳонии моликияти зеҳнӣ /СҶМЗ/, 13 нафар соҳиби  медали тиллои Идораи патентии Авруосиёгӣ барои  саҳмгузорӣ дар фаъолияти ихтироъкорӣ ва патентӣ,  26 нафар ихтироъкорон бо Нишони фахрии идораи патенти Ҷумҳурии Тоҷикистон сарфароз гардиданд, иттилоъ медиҳад АМИТ «Ховар».

Дар ин росто, 47 ихтирои 37 нафар бонувони ихтироъкори тоҷик сазовори 18 медали тилло, ду медали тиллои Созмони ҷаҳонии молиякияти зеҳнӣ /СҶМЗ/, се медали Ассотсиатсияи ихтироъкорони кишварҳои Таиланд, Германия, Чин, 18 медали нуқра ва 13 медали биринҷӣ гардиданд.

Ҳамасола дар шаҳри Сеули Кореяи ҷанубӣ Намоишгоҳи байналмилалии бонувони ихтироъкори ҷаҳон баргузор мегардад, ки дар он бонувони ихтироъкор ва навовари тоҷик низ иштироки фаъол менамоянд.