ҚАРЗҲОИ ИМТИЁЗНОКИ ДАРОЗМУДДАТ БА КИШОВАРЗОН

Бо мақсади рушди соҳаи кишоварзӣ ва таъмини амнияти озуқаворӣ дар кишвар Бонки давлатии амонатгузории Ҷумҳурии Тоҷикистон қарзҳои имтиёзнокро бо фоизи пасту муҳлати дароз ба деҳқонону кишоварзони мамлакат таҳти унвони «Кишоварз-2021» пешниҳод намудааст, иттилоъ медиҳад АМИТ «Ховар».

Мизоҷон, аз ҷумла бонувони кишоварз метавонанд бо шартҳои имтиёзнок маблағҳои қарзиро аз 3 то 500 ҳазор сомонӣ  ва мутаносибан бо асъори хориҷӣ ба муҳлати аз 6 то 36 моҳ таҳти меъёри фоизи солонаи қарз бо пули миллӣ 18 фоиз ва бо асъори хориҷӣ 8 фоиз дастрас намоянд. Меъёри фоизи моҳонаи қарз бо пули миллӣ 1,5 фоиз ва бо асъори хориҷӣ 0,66 фоизро ташкил медиҳад, - иттилоъ медиҳад «Амонатбонк».

Пешниҳоди қарз ба деҳқонону кишоварзони мамлакат таҳти иқдоми «Кишоварз-2021» то 30 апрели соли 2021 идома меёбад.