БОНУВОН 172 МЕДАЛ ОВАРДАНД

Дастоварди бонувони варзишгар дар соли 2019 назаррас буд, қайд карданд зимни нишасти матуботӣ дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Дар соли 2019 бонувони варзишгар дар 50 мусобиқаҳои байналмилалӣ ширкат варзида, 172 медал ба даст овардаанд, аз ҷумла 67 медали тилло, 40 нуқра ва 65 медали биринҷӣ. Ҳамчунин, наврасони кишвар дар ин давра 454 медал, ҷавонон 228 медал ва калонсолон 312 медал ба хазинаи варзиши мамлакат ворид сохтаанд.

Дар мусобиқаҳои сатҳи байналмилалӣ 994 маротиба Парчами давлатӣ парафшон гашта, дастовардҳои варзишгарон нисбат ба ҳамин давраи соли гузашта 569 медал зиёд гардидааст.