ВАЗОРАТ: БОНУВОНИ КИШОВАРЗ ФАЪОЛАНД

- Тибқи барномаҳои амалкунанда дар Тоҷикистон имрӯзҳо бонувон назар ба мардҳо дар соҳаҳои гуногуни кишоварзӣ, аз ҷумла соҳаҳои растанипарварӣ, тухмипарварӣ ва чорводорӣ ниҳоят фаъоланд, - иброз дошт зимни нишасти матбуотӣ вазири кишоварзии Ҷумҳурии Тоҷикистон Иззатулло Сатторӣ.

Қайд гардид, ки тибқи дурнамо имсол дар ҷумҳурӣ дар шаш моҳи соли ҷорӣ ҳаҷми умумии маҳсулоти кишоварзӣ дар ҳамаи шаклҳои хоҷагидории ҷумҳурӣ ба 7790 миллион сомонӣ расонда шуд, ки нисбат ба ҳамин давраи соли гузашта афзоиш 110,8 %-ро ташкил дода, дар соҳаҳои растанипарварӣ ва чорводорӣ афзоиш мутаносибан ба 112,2 ва 108,4 % баробар мебошад.