МУЛОҚОТИ ГУРБОНГУЛӢ БЕРДИМУҲАММАДОВ БО ЭМОМАЛӢ РАҲМОН

Зимни мулоқот сарони ҳарду кишвар масъалаҳои ҳамкории дуҷонибаи Тоҷикистону Туркманистон ва масоили вобаста ба оби ошомиданиро мавриди баррасӣ қарор доданд. Инчунин таъмини амнияти минтақа, муборизаи муштарак бар зидди таҳдиду хатарҳои ҷаҳони муосир низ муҳокима қарор гирифт.

Ҷонибҳо аз густариши ҳамкориҳо дар самти иқтисод, сармоягузорӣ, нақлиёт, саноати сабук, кишоварзӣ, илму маориф, фарҳангиву гуманитарӣ ва сайёҳӣ изҳори қаноатмандӣ карданд.