ҲАҶМИ ИНТИҚОЛИ НЕРӮИ БАРҚ БА АФҒОНИСТОН БА 50 МИЛЛИОН ДОЛЛАР РАСИД

Тавре вазири энергетика ва захираҳои оби Ҷумҳурии Тоҷикистон Усмоналӣ Усмонзода иттилоъ дод аз оғози моҳи октябр инҷониб танҳо ба вилояти сарҳадии Қундузи Ҷумҳурии Исломии Афғонистон дар ҳаҷми 50 мегават неруи барқ ​​содир мешавад. Ин пеш аз ҳама барои таъмини амнияти хатти баландшиддати барқ равона гардидааст, зеро имконияти дуздидани васоили хатти барқ мавҷуд аст агар шиддат набошад.

- Ҷониби Афғонистон дархости бештари интиқоли барқро намуд, вале мо гуфтем, ки имкони бештари интиқоли барқро ҳоло надорем - илова намуд У.Усмонзода.

Усмонзода қайд кард, ки Тоҷикистон дар фасли тобистон метавонад ба Афғонистон нерӯи барқро ​​дар ҳаҷми дилхоҳ таъмин намояд. Таъкид шуд, ки ҳар як киловатт барқ ​​ба Афғонистон ба маблағи зиёда аз 35 дирам фурӯхта мешавад. Тарофаи истеъмолкунандагони як киловатт барқ барои Тоҷикистон бошад, дар соли 2017 ба ҳисоби миёна 17,6 дирамро ташкил намуд.

Бино бар маълумоти Вазорати энергетика ва захираҳои об дар соли 2017 Ҷумҳурии Тоҷикистон ба Ҷумҳурии Исломии Афғонистон беш аз 1,3 миллиард киловатт соат неруи барқ ​​ба маблағи 456 миллион сомонӣ, муодили 50 миллион доллари америкоӣ интиқол намудааст.