ТАВАҶҶУҲИ ДУХТАРОН БА ТАҲСИЛОТИ ОЛӢ ЗИЁД ШУДААСТ

Ба иттилои манбаъ тибқи таҳлилҳо таваҷҷуҳи довталабон ба ихтисосҳои саноати коркарди маҳсулоти ширӣ ё ғизои кӯдакон коҳиш ёфтааст.

- Аммо ин маънои ихтисор шудани ихтисосҳои барои иқтисоди кишвар муҳимро надорад, баръакс, баҳри тарғибу ташвиқи ин ихтисосҳо дар байни хонандагони мактабҳои миёна барои бедор кардани шавқу рағбати эшон чораандешӣ хоҳем кард, - қайд кард А.Юлдошев.

Тибқи маълумоти оморӣ нишондоди иштироки довталабон дар имтиҳонҳои марказонидаи дохилшавӣ сол аз сол меафзояд. Агар дар соли 2014 дар Маркази миллии тестӣ 52 ҳазору 408 нафар довталаб аз қайд гузашта бошанд, ин рақам дар соли 2015 ба 73 ҳазору 700 мерасад, ки 37,76 дарсади онро духтарон ташкил медиҳанд. Дар соли 2016 бошад теъдоди довталабон барои дохил шудан ба муассисаҳои олию миёнаи касбӣ ба 84 ҳазору 628 нафар расидааст, ки 42,29 дарсади ин рақамро духтарон ташкил медодаанд.