ТАВАЛЛУДХОНАҲОИ НАВ ДАР ФАРХОРУ ҲАМАДОНӢ

Шуъбаҳои таваллудгоҳ аз толорҳои ҷарроҳӣ ва эҳёгарӣ, утоқҳои муҷаҳҳазу замонавии таваллудӣ, озмоишгоҳ, ошхонаву ҳуҷраҳои табобатии оризаҳои таваллудӣ иборат буда, табибон бо дастрасӣ ба техникаву технологияи муосир имкон пайдо карданд, ба мардуми маҳалӣ табобату ташхиси баландсифатро таъмин намоянд. Гуфта мешавад, мутахассисони маҳаллӣ барои кор бо таҷҳизоти муосири ин бинои нави беморхона дар сатҳи баланд бозомӯзӣ шудаанд. Таваллудхонаи ноҳияи Фархор дорои 50 кати хоб ва таваллудхонаи ноҳияи Ҳамадонӣ бошад, дорои 60 кати хоб аст.