ҒОЛИБОНИ ОЗМУНИ «ОШИ ПАЛОВ» ҚАДРДОНӢ ШУДАНД

Мувофиқи маълумоти маркази матбуоти Раиси вилояти Суғд сарошпази чойхонаи «Сирдарё»-и шаҳри Хуҷанд Носир Ортиқов ғолиби асосии озмун ва соҳиби 5000 сомонӣ гардидааст. Дар номинатсияи «Оши чойхонаи беҳтарин» ошпаз аз ноҳияи Б.Ғафуров Зокир Файзиматов ғолиб ва соҳиби 3000 сомонӣ тӯҳфаи пулӣ гардидааст.

Гуфта мешавад, ки бонувон низ дар озмун иштироки фаъол доштаанд. Дар номинатсияи “Ошпази беҳтарин байни занҳои калонсол” Ширахон Бобоева аз ноҳияи Айнӣ ғолибият ба даст оварда, соҳиби 1000 сомонӣ шудааст. «Ошпази беҳтарин байни бонувон»  Дилрабо Раҳматова аз Истаравшан, «Ошпази беҳтарин байни домодҳо» Ҳусейнҷон Турсунов аз шаҳри Хуҷанд, «Ошпази беҳтарин байни арӯсон» Заррина Раҷабова аз ноҳияи Спитамен, «Ошпази беҳтарин байни ҷавонписарон» Баҳриддин Шодихӯҷаев аз Мактаби Президентии шаҳри Чкалов, «Ошпази беҳтарин байни ҷавондухтарон» Мафтуна Шарифова аз ноҳияи Ҷаббор Расулов дониста шуда ба онҳо 1000 сомонӣ мукофотпулӣ супурда шудааст.