РЕЗААХБОР

130 ҶОЙИ КОРӢ ДАР ХОВАЛИНГ

Тибқи иттилои Шариф Ҳусайнов, сардори дастгоҳи раиси ноҳияи Ховалинг, танҳо дар Ҷамоати деҳоти Шугнов ду сехи дӯзандагӣ ва ду сехи заршӯйӣ ба кор даромад. Аз ҷониби корхонаи хусусии «Союззар» як корхонаи дӯзандагӣ барои 45 нафар ва аз тарафи корхонаи хусусии «Одина» як корхонаи дӯзандагӣ барои 30 нафар ба истифода дода шуданд.

Аз тарафи корхонаи хусусии «Одина» сохтмони корхонаи коркарди гиёҳҳои шифобахш бо 50 ҷойи кор ба итмом расид. Танҳо овардан ва насб кардани дастгоҳҳо боқӣ мондааст.

Бо дастгирии соҳибкорони маҳаллӣ дар Ҷамоати деҳоти Шугнов бинои мактаб- интернат барои 320 нафар хонанда ба истифода дода шуд.

ФАБРИКАИ ДӮЗАНДАГӢ БА КОР ДАРОМАД

Бо дастгирии «Ёқут-2000» собиқ корхонаи дӯзандагии ноҳияи Данғара баъди 20 соли танаффус аз сари нав ба кор оғоз кард. Дар корхона 200 нафар бонувон бо ҷойи кор таъмин гаштанд.