ТАФТИШИ ДАСТИИ БОҒОҶҲО ДАР ФУРУДГОҲ АЗ БАЙН МЕРАВАД

            Ба гуфтаи манбаъ  ба фаъолият оғоз намудани толори нави аз назаргузаронии автоматии мусофирон ва бағоҷҳо тафтиши дастиро, ки баъзан боиси норозии мусофирон мегардид, аз байн мебарад.

            Аз ҷониби дигар тавасути системаи автоматии назоратӣ имкон дорад, дар як соат  600 нафар мусофирон ё худ дар 20 дақиқа мусофирони як хатсайрро аз назар гузаронид.

            Бинобар гуфтаи Рустам Холиқов, директори генералии ҶСК «Фурудгоҳи байналмиллалии Душанбе» ташкили гузаргоҳи гумрукии замонави тақозои замон аст, зеро сол то сол теъдоди мусофирони фурудгоҳи Душанбе афзуда истодааст. Маблағи умумии ин лоиҳа 1 миллиону 700 ҳазор доллари америкоиро ташкил медиҳад.

            Ба гуфтаи Зайнулло Маҳмудов сардори дидбонгоҳи назорати  гумрукии фурудгоҳи Душанбе, барои самаранок истифода бурдани технологияи мазкур дар назорати бағоҷҳо ва мусофирон мебояд гумрукчиёни фурудгоҳ ба курсҳои омӯзиши кор бо технологияи нав фаро гирифта шаванд. Айни замон масъалаи бозомӯзии 40 нафар кормандони хадамоти гумрукии фурудгоҳи мазкур матраҳ шуда истодааст.