5 ОКТЯБР – РӮЗИ ЗАБОНИ ДАВЛАТӢ

Хатогӣ

JLIB_DATABASE_ERROR_FUNCTION_FAILED

5 ОКТЯБР – РӮЗИ ЗАБОНИ ДАВЛАТӢ

            Сарвари давлат Эмомалӣ Раҳмон зимни суханронӣ нахуст аҳли толор ва мардуми кишварро бо Рӯзи забон, ки аз соли 2009 ба ин ҷониб таҷлил мегардад, табрику таҳният гуфта, забони давлатиро арзиши волои миллӣ ва рушди онро аз вазифаҳои муҳими тамоми сохторҳои давлатию ҷамъиятӣ номид.
            Эмомалӣ Раҳмон аз нақши таърихии бисёрасраи забони тоҷикӣ чун забони расмии давлатӣ ва муоширати миёни қавмҳои гуногун дар қаламрави васеи Мовароуннаҳру Хуросон ёдовар шуда, ворисони имрӯзу ояндаи ин забони нобу тавоноро ба ҳифзи покизагӣ ва рушду такомули ҳамаҷонибаи он чун забони коргузории давлатӣ, фарҳанг ва илму техникаи муосир ҳидоят намуд.

          Риояи қоидаю меъёрҳо ва имлои забони давлатӣ, ба хусус барои кормандони матбуоти даврӣ, радио, телевизион, муассисаҳои табъу нашр, омӯзгорону парасторони муассисаҳои таълимӣ ва томактабӣ ва ҳамчунин ба падару модарон дар таълиму тарбияи фарзандон таъкид гардид.
            Сарвари давлат Эмомалӣ Раҳмон бо зикри супоришҳои иҷрошудаи худ доир ба таҳияи Барномаи рушди забони давлатии Тоҷикистон барои солҳои 2012-2016, Қоидаҳои имлои забони тоҷикӣ ва Фарҳанги имлои забони тоҷикӣ дар назди сохторҳои масъули давлатӣ вазифаҳои нав гузошт. Аз ҷумла дастур дода шуд, ки барои нашри Фарҳанги имлои забони тоҷикӣ маблағи зарурӣ ҷудо карда шавад.
          Вазорати маориф вазифадор шуд, ки дар иртибот ба таҷдид ва такмили усули таълими забони давлатӣ дар мактабҳои таҳсилоти миёнаву касбӣ ва олӣ дар кӯтоҳтарин муддат тадбирҳо андешад.
            Бо таваҷҷуҳ ба фарҳанги номгузории ноби тоҷикӣ таъкид гардид, ки ба номгузории корхонаю муассисањо, ширкатҳо, мағозаю дӯконҳо ва навиштани шиору овезаҳо дар кӯчањову хиёбонҳо ва дигар ҷойҳои ҷамъиятӣ бо забонҳои хориҷӣ роҳ дода нашавад.
            Ҳамчунин таъкид гардид, ки барои омӯзиши забонҳои хориҷӣ, бахусус русӣ ва англисӣ дар мактабҳои деҳот низ бояд шароит фароҳам оварда шавад , то ки ҷавонони мо аз омӯхтани чанд забони хориҷӣ баҳраманд гарданд.

:. Хабарҳо 05.10.2012 05:41 3328

5 ОКТЯБР – РӮЗИ ЗАБОНИ ДАВЛАТӢ

Шумораи навбатӣ

Соли рушди деҳот, сайёҳӣ ва ҳунарҳои мардумӣ 2019-2021

Дастархон

Нигористон