КУМИТАИ РАДИО ВА ТЕЛЕВИЗИОН НАФАҚАХӮРОНРО АЗ КОР ОЗОД КАРД

            Зимнан, иттилоъ дода шуд, ки дар нимаи дувуми соли ҷорӣ Кумитаи радио ва телевизион қасд дорад як шабакаи варзишии телевизиониро роҳандозӣ кунад. Раиси кумитаи мазкур гуфт, барои таъсиси чунин як шабака феълан шароит фароҳам аст.

            - Дар солҳои охир чандин толори варзишиву варзишгоҳҳо аз ҷониби соҳибкорон ва аз ҷониби худи Ҳукумат сохта шуд. Тақрибан ҳамарӯза дар ҷумҳурӣ мусобиқоту чорабиниҳои варзишӣ доир мегардад. Фикр мекунам, аллакай заминаи таъсиси телевизиони варзишӣ дар Тоҷикистон муҳайё аст, - илова кард А. Раҳмонов.

            Хабари таъсиси телевизиони варзишӣ дар ҳоле эълон мегардад, ки соли 2012 аз ҷониби Комиссияи  литсензионии назди Кумитаи радио ва телевизион ба 5 шабакаи радио-телевизионӣ дар саросари кишвар иҷозаи фаъолият дода шудааст. Аз ин шумор 4 радио дар вилояти Суғд ва 1 шабакаи телевизиони тафреҳӣ дар Душанбе иҷозаи фаъолият дарёфт кардаанд.

            Қаблан расонаҳо навишта буданд, ки Ҳизби наҳзати исломии Тоҷикистон (ҲНИТ) барои таъсиси шабакаи радио-телевизионӣ ба Комиссияи литсензионӣ муроҷиат кардааст. Дар ин маврид А. Раҳмонов гуфт:

            - Дар санаи 14-уми декабри соли 2012 аз ҷониби ин ҳизб ба Комиссия ариза пешниҳод гардида буд. Мо посухи худро ба раҳбарияти ин ҳизб навиштем. Барои таъсиси шабакаи радио-телевизионӣ бояд маҷмӯи ҳуҷҷатҳоро пешниҳод кард, ки ҳоло ҲНИТ ҳуҷҷатҳои лозимаро таҳия накардааст. Дар сурати таҳия ва пешниҳод намудани ҳуҷҷатҳои лозима барои таъсиси шабакаи радио-телевизионӣ мо онро ба қайд хоҳем гирифт.