БАРОИ МАКТАБИЁН – ЛИБОСҲОИ ВАТАНӢ

         Дар зимн ба намояндагӣ аз мақомоти иҷроияи ҳокимияти давлатии вилояти Суғд, ба 200 нафар кӯдаконе, ки бори аввал ба мактаб мераванд,  сару либос ва лавозимоти мактабӣ тақдим карда шуд.

       Дар намоишгоҳ дар баробари асбобу ашёи мактабӣ, ҳамчунин, тарҳу намунаҳои гуногуни либосу пойафзолҳои бачагона, ки истеҳсоли  корхонаҳои ватании «Текстил-Ситӣ», «Ҷавонӣ», «САТХ, «К-3», «Пойафзоли Хуҷанд» маҳсуб мешаванд, бо сифати аъло ба фурӯш бароварда шуданд.

             Соҷида Бойматова – мутахассиси Раёсати саноати сабук ва ҳунарҳои бадеию халқии Вазорати саноат ва энергетикаи  Ҷумҳурии Тоҷикистон дар хусуси сифати маҳсулотҳо ибрози андеша намуда, аз ҷумла қайд кард, ки:

             – Сару либос ва пойафзолҳо ин ҷо сад дар сад аз матои пахтагину чармин дӯхта шуда, барои саломатӣ зарар надоранд. Ҳамчунин, волидайн метавонанд аз  тарҳҳои гунонуни  либосҳо ва пойафзолҳои  писаронаю духтарона якеро интихоб ва бо дарназардошти андозаи муайян аз он фармоиш бидиҳанд. Маҳсулот дар мӯҳлати кӯтоҳтарин бо нархҳои арзон, дастрас мегардад.  

                Коршиносон мегӯянд, ки идеяи таъмини мактаббачагон бо сару либоси ягонаи мактабии истеҳсоли ватанӣ  шоистаи таҳсин  ва дастгирист. Зеро аз як сӯ, кӯдакон либосҳоеро ба бар хоҳанд кард, ки пахтагин буда, ба саломатиашон муфид аст. Аз сӯйи дигар, бо фаъол шудани корхонаҳои саноатии ватанӣ, ҷойҳои нави корӣ барои корҷӯён муҳайё мегардад.

                Ҳамчунин, гуфта мешавад, ки дар пойтахти кишвар, шаҳри Душанбе низ  корхонаи «Ёқут-2000»  ба истеҳсоли киф (сумка)-ҳои мактабӣ шурӯъ кардааст. Корхона ният дорад, дар ояндаи наздик тамоми ҷумҳуриро бо  кифҳои мактабӣ таъмин намояд.