ҶАВОНОН – СОЛИМИИ МИЛЛАТ

                Наимҷон Мирзораҳимов, сарвари ташкилоти ҷамъиятии «Насли ҷавони Тоҷикистон» ҳадаф аз амалӣ намудани ин лоиҳаро рушди муҳити дастгирию иштироки ҷавонон дар равандҳои қабули қарорҳои вобаста ба беҳдошти саломатии онҳо унвон кард.

                Ба гуфтаи ӯ тавассути ин лоиҳа дар самтҳои пешгирии бемориҳои нашъамандӣ, ВНМО (ВИЧ), эътирофи ҳуқуқҳои репродуктивӣ ва  солимии репродуктивӣ дар байни ҷавонон кор бурда мешавад.               

                Мавҷигул Азизуллоева, ҳамоҳангсози миллии қисмати «Пешгирии нашъамандӣ ва сирояти ВНМО», барномаи минтақавии «Тандурустӣ дар Осиёи Марказӣ» зимни муаррифии лоиҳа иброз дошт, ки ҷавонон захираи бузурги моликияти зеҳнӣ, эҷодӣ ва меҳнатӣ буда, тарақиёту пешрафти кишвар аз онҳо вобастагӣ дорад.

                Бинобар гуфтаи М. Азизуллоева синни миёнаи аҳолии Ҷумҳурии Тоҷикистон 24 сола аст, ки аз ин шумор тақрибан 67 фисадашро ҷавонони синни то 30 сола ташкил медиҳанд. Мавсуф изҳори боварӣ намуд, ки лоиҳаи «Иштироки ҷавонон баҳри солимии миллат» ба интихоби тарзи ҳаёти солими ҷавонон ва солимгардонии онҳо мусоидат хоҳад кард.

                Дар нишасти мазкур зикр гардид, ки паст намудани сатҳи камбизоатии аҳолӣ аз иштироки ҷавонон дар рушду пешрафти ҷомеа вобастагии зиёд дорад.

                Бояд қайд кард, ки ташкилоти ҷамъиятии «Насли ҷавони Тоҷикистон» соли 2008 бо талоши бархе аз ҷавонони худогоҳ таъсис ёфта, фаъолиятро зери шиори: «Иштирок. Рушд. Созандагӣ» ба роҳ мондааст.