Фаттоҳ Саидов: ТАДҚИҚОТИ ЖУРНАЛИСТӢ ГУЗАРОНЕД

                Дар ин бора зимни нишасти матбуотӣ Фатоҳ Саидов, сардори агентии мазкур иттилоъ дод.

                Фаттоҳ Саидов дар робита ба афкори ҷомеа бобати нобоварӣ ба фаъолияти шаффофи ин ниҳод гуфт: «ман медонам, ки дар ҷомеа чунин сару садоҳо аст, ки гӯиё барои ба кор даромадан дар агентӣ, аз хоҳишмандон маблағ талаб карда мешавад, ё гӯё кормандони мо вақте барои тафтиши молиявӣ мераванд, аз ҷойҳо маблағ талаб мекардаанд, аммо ин фаҳмиш  ғалат аст. Агар мо аз ҷоеву аз  касе маблағ талаб мекардем, оё дар шаш моҳ 100 миллион сомонӣ зарари молиявӣ ошкор мешуд?».

                Фаттоҳ Саидов бобати камбудиҳо дар қабули кормандон ба Агентии назорати давлатии молиявӣ ва мубориза бо коррупсияи Ҷумҳурии Тоҷикистон, гуфт: «шахсан ман чандин маротиба сардори шӯъбаи кадрҳо ва муовинашро бинобар сару садоҳое, ки гӯё вақти ба кор қабул кардан маблағ мегиранд, ҳушдор намудам. Аммо… Инсони худро эҳтиром мекардагӣ коре мекунад, ки дар атрофи номаш сару садои зиёдатӣ пайдо нашавад. То шамол набошад барги дарахт намеҷунбад. Чун санҷиш нишон дод, ки чунин ҳолатҳо дар фаъолияти эшон ҷой доштаанд, онҳоро аз вазифа сабукдӯш кардам. Ҳоло озмуни қабули кормандон дар мақомоти мо то дараҷае шаффоф аст, ки метавонед ягон тадқиқоти журналистӣ гузаронед».