Дар Ваҳдат низ Китобхонаи Миллӣ бунёд мешавад

Лоиҳаи бунёди китобхонаи миллӣ аз ҳисоби буҷаи шаҳри Ваҳдат маблағгузорӣ мешавад. Тибқи лоиҳа китобхонаи мазкур иборат аз қироатхонаҳо, толори баргузории конфронсу маҳфилҳои адабӣ-фарҳангӣ мебошад.

Мақомот мегӯянд, дар ошёнаи дувуми китобхона идораи Иттифоқи нависандагони шаҳри Ваҳдат ва идораҳои нашрияҳои даврии шаҳр ҷойгир карда мешавад. Интизор меравад, ин маҷмуаи фарҳангӣ дар арафаи ҷашни Истиқлолияти Тоҷикистон ба истифода дода шавад.