ТАЛОҚ ЗИЁД ШУДААСТ

 Аммо Моҳира як аз сокинони шаҳри Қӯрғонтеппа, ки баъди аз шавҳар ҷудо шудан, бо тифли ширхора ба хонаи модар баргаштааст, иброз мегӯяд, ки сабаби асосии пошхӯрии оилаҳо мушкилоти иҷтимоӣ, ба хусус бекории ҷавонон мебошад.

Дар ҳамин ҳол, бонуи аз шавҳар ҷудошуда Оишахон Rа{ҳорова иброз медорад, ки як сабаби ҷудошавии оилаҳо ин бесаводии бонувони ҷавон мебошад, ки аз ҳуқуқҳои хеш бархӯрдор нестанд. Аз ҷониби дигар, агар бонувон соҳиби донишу маълумоти кофӣ бошанд, ҳеҷ гоҳ  мардон аз ҳамсари оқилу бо маърифат ҷудо нахоҳанд шуд.

Коршиносони масоили иҷтимоӣ иброз медоранд, ки як сабаби ба осонӣ аз ҳам ҷудо шудани оилаҳо, ин набастани аҳдномаи никоҳ байни зану шавҳар мебошад. Бастани аҳдномаи никоҳ ба бонувон имкон медиҳад, ки дар ҳолати аз шавҳар ҷудо шудан ҳуқуқҳои молумулкии худро нигоҳ дошта, аз манзили истиқоматии хеш берун нашаванд.

Бинобар маълумоти  САҲШ шаҳри Қӯрғонтеппа, то кунун дар маркази вилояти Хатлон бастани аҳдномаи никоҳ байни оилаҳои навбунёд ба ҳукми анъана надаромадааст. Зеро аҳдномаи никоҳ ихтиёрӣ мебошад.

Гуфта мешавад, ки аз оғози соли 2011-ум дар шаҳри Қӯрғонтеппа 610 оилаҳои нав барпо шудааст. Дар ҳамин давраи соли гузашта ин рақам 710 ҳолатро ташкил медиҳад. Аз маълумотҳои САҲШ шаҳри Қӯрғонтеппа бармеояд, ки дар 11 моҳи соли ҷорӣ дар шаҳри Қӯрғонтеппа 420 ҳолати муқарраркунии падарӣ ба қайд гирифта шудааст. Ин ҳолат далели он аст, ки 420 нафар тифлон аз модароне ба дунё омадаанд, ки ё ҳамсарони дуввум мебошанд ва ё то кунун бо шавҳарони худ ақди никоҳи расмӣ надоранд.