«Газпромнефт» бензини ғайриэтилӣ ворид кард

Дар нишасти матбуотии Агентии «Тоҷикстандарт» иттилоъ дода шуд, ки дар давоми нимсолаи аввали соли ҷорӣ 1429 ташхиси маводи сӯхт, ба миқдори 245417 тона гузаронида шуд, ки дар 40 ҳолат ё 2700 тонна сӯзишворӣ ғайристандарт дониста шудаанд.

Ба қавли Бахтиёр Шукуров, директори Агентии мазкур, миқдори ташхисҳои сертификатсионӣ нисбати ҳамин давраи соли гузашта 62 адад ё 8,4% зиёд ва ташхисҳои аз нуқтаҳои фурӯши бозори дохила 600 адад ё 33,3% зиёдро ташкил медиҳад.

Аз ҷумла, дар натиҷаи ин санҷишҳо маълум гардид, ки аз тарафи ширкати «Газпромнест»-и Русия 2378,6 тона бензини ғайриэтилии «Регулиятор-92» ворид гардид.

Ба иттилои ӯ, аз ин миқдор  1 ҳазору 181 тонна дар вилояти Хатлон ва 1 ҳазору 197 тоннаи дигарашро аз нуқтаҳои фурӯши  шаҳри Кӯлоби ин вилоят ошкор намудаанд.

 «Бо вуҷуди он ки ин ширкат навъи бензини 80-ро 92- гуфта ба фурӯш баровард, вале ин амали онҳо саривақт ошкор гардиду аз ҷониби масуълини агентӣ бо тартиб додани  санад, сертификати мутобиқат дода шуд»,- гуфт директори Агентии «Тоҷикстандрат».