Мансабдорон ихтисосашонро такмил доданд

Аз ҷумла, дар нишаст Гавҳар Шарофзода, ректори Донишкадаи такмили ихтисоси хизматчиёни давлатӣ иттилоъ дод, ки дар заминаи раёсати мазкур Донишкадаи такмили ихтисоси хизматчиёни давлатӣ фаъолият мекунад, ки аз соли 2004 то имрӯз зиёда аз 8 000 нафар хизматчиёни давлатии мақомоти марказӣ ва маҳаллии ҳокимияти давлатӣ ва мақомоти худидоракунии маҳаллии ҷумҳурӣ таълим гирифтаанд.   

Хусусан, дар соли 2011 барои муовинони раисони вилоят ва шаҳру ноҳияҳои ҷумҳурӣ, барои занони роҳбар ва дар захираи кадрҳои буда, барои роҳбарони воҳидҳои сохторӣ оид ба рушди иқтисодиёти мақомоти иҷроияи маҳалли Ҳокимияти давлатӣ ва ғайра курсҳои такмили ихтисос гузаронида шуд.

Ҳамчунин, курсҳои сайёри такмили ихтисос ба роҳ монда шудааст, ки дар ин муддат муовинони раисон ва мудирони шӯъбаю бахшҳои умумии дастгоҳи раисони шаҳри Душанбе ва ноҳияҳои он, шаҳру ноҳияҳои тобеи ҷумҳурӣ, муовинони раисони шаҳру ноҳияҳои вилояти Суғд ва ғайра дар онҳо ширкат варзиданд.