Ҷавонон зидди маводи мухаддир

            Аксия аз ҷониби Агентии назорати маводи нашъаовари назди Президенти Ҷумҳурии Тоҷикистон, Дафтари намояндагии САҲА дар Ҷумҳурии Тоҷикистон ва ҳукумати шаҳри Душанбе ташкил ва гузаронида шуд. Дар он ҳунармандони шинохтаи мусиқии эстрадӣ Далер Назаров, Зикриоллоҳ Ҳакимов, Нозия Кароматулло, Муҳаммадрофеъи Кароматулло, Ҷонибек Муродов, Самад Ғанӣ, гурӯҳи сарояндагони мусиқии реп аз шаҳри Душанбе иштирок намуда, бо суруду таронаҳои дилангез хотири мухлисону ҳаводоронро шод гардониданд.

            Ҳадафи чорабинии мазкурро масъулини Агентии назорати маводи нашъаовар, ҷалби таваҷҷӯҳи ҷавонон ба мушкилоти нашъамандӣ, дурӣ аз маводи мухаддир ва истеъмоли моддаҳои психоактивӣ маънидод карданд.

            Парвина Ҷалолова, донишҷӯи Донишгоҳи тиббии Тоҷикистон, дар ин маврид чунин ибрози назар кард кард: «Фестивали мазкур иқдоми хеле хуб буд, барои бедор кардани афкори солими ҷомеа бар зидди нашъаву нашъамандӣ. Мешавад гуфт, ки дастандаркорони ин чорабинӣ тавонистанд, бо ин васила як қатор корҳои таблиғотии зидди нашъамандиро миёни наврасону ҷавонон ба роҳ монанд, ки аз манфиат холӣ нест».