Президент арғунунро зинда кард

Барои таъмири Толори арғунун ё «шоҳи» асбобҳои мусиқӣ Президенти кишвар 1 миллион сомонӣ ҷудо намудааст ва мутахассисони ширкати «Ригер-Клосс-Орган»-и давлати Чехия болои таъмири ин асбоби мусиқӣ муддати се сол кор бурдаанд. Ин толор аз ҷиҳати садобарорӣ (акустикӣ) ва арғунун аз ҷиҳати пайваст буданаш бо барномаи компютерӣ дар миқёси Осиёи Марказӣ беҳамто ба шумор меравад.  

Чуноне ноиби сарвари донишкада оид ба тарбия ва робитаҳои хориҷӣ Т.Назаров иброз дошт дар фестиволи мазкур арғунуннавозон – ҳунармандони халқии Русия Рубен Абдулин аз шаҳри Қазон ва Любов Шишканова аз шаҳри Москва маҳорати олии касбии худро пешкаши ҳаводорони тоҷикистонӣ мегардонанд. Консертҳои мусиқии арғунун рӯзҳои 27 ва 28 июн соати 17:00 дар Толори арғунун воқеъ дар донишкада баргузор мегарданд, ки ба ҳамаи алоқамандону дӯстдорони мусиқии арғунун дар соли ҷашни 20-солагии истиқлоли давлатии Ҷумҳурии Тоҷикистон дастовези олиест.

Бояд гуфт, ки соҳиби толори арғунуниӣ дорои 350 ҷойи нишаст ва арғунуни дорои садои сеҳрангез гаштаем, месазад гӯем, ки интизориҳову умедҳоямон барбод нарафт. Акнун бояд дар мавриди тайёр намудани мутахассисони касбӣ чора ҷӯем, чунки имрӯз фақат як арғунуннавози тоҷикистонӣ – Зулфия Халилова ҳаст, ки дар Олмон зиндагӣ ва фаъолият дорад.

     Муҳайё Нозимова