Сафари ҳунарии хитоиҳо ба Тоҷикистон

Тавре аз маркази матбуотии Вазорати фарҳанги Ҷумҳурии Тоҷикистон хабар доданд, ин гурӯҳи ҳунарӣ дар чаҳорчӯбаи сафари худ рӯзи 24 июн бо Вазири фарҳанги Тоҷикистон Мирзошоҳрух  Асрорӣ  вохурӣ доир карданд.

Ҳамчунин, дар барномаи сафари ҳунармандони ноҳияи Синзян-Уйғури ҶХХ то рӯзи 30-юми июн баргузории намоиши консертӣ дар «Маркази Конфутсий» (24 июн), барномаи консертӣ дар Театри опера ва балети ба номи Айнӣ (25 июн), барномаи консертӣ бо иштироки намояндагони Ҳукумати Ҷумҳурии Тоҷикистон ва корпуси дипломатӣ дар Театри опера ва балети ба номи Айнӣ (26 июн), боздид аз Варзоб (27 июн), барномаи консертӣ дар варзишгоҳи шаҳри Турсунзода (28 июн), вохурӣ ва барномаи консертӣ дар Ассотсиатсияи хитойиҳои муҳоҷири меҳнатӣ (29 июн) ба нақша гирифта шудааст.

Бояд гуфт, масъалаи ташрифи  ҳайати мазкур ҳангоми боздиди кории Президенти Ҷумҳурии Тоҷикистон аз Ҷумҳурии Халқии Хитой соли 2010 пешбинӣ шуда буд.