285 нафар зани нашъаманд

Бинобар иттилои масъулини ин нињод дар семоҳаи аввали соли 2011 мақомоти ҳифзи ҳуқуқ ва сохторҳои қудратии ҷумҳурӣ аз муомилоти ғайриқонунӣ 1478 килову 166 грамм маводи мухаддир мусодира намуданд, ки ин 15,9 фойиз бештар аз ҳамин давраи соли 2010 мебошад. Аз ҷумла Вазорати корҳои дохилӣ – 720 килову 200 грамм, Хадамоти гумрук – 7 килову 955 грамм, КДАМ – 272 килову 656 грамм ва Сарраёсати нерӯҳои сарҳадии Тоҷикистон – 263 килову 805 грамм маводи мухаддир мусодира намудаанд. Аз ҷониби Агентии назорати маводи нашъаовар 38 ҳодисаи муомилоти ғайриқонунии воситаҳои нашъаовар ошкор гардидааст,  ки дар натиҷа 282 кило маводи нашъаовар мусодира карда шудааст.