Фаттоҳ Саидов: «ДАР ВАЗОРАТИ КОРҲОИ ДОХИЛӢ БЕШТАР ҶИНОЯТ БА НАЗАР МЕРАСАД»

     Чуноне дар ин маврид Фаттоҳ Саидов иброз дошт, ки 11 ҷинояти коррупсионӣ аз ҷониби 9 нафар кормандони Вазорати корҳои дохилӣ, 7 ҷиноят аз ҷониби 5 нафар кормандони Кумитаи давлатии амнияти миллӣ, 6 ҷиноят аз ҷониби 5 нафар хизматчиёни Вазорати мудофиа, 5 ҷиноят аз ҷониби 3 нафар кормандони Вазорати адлия ва ғайра ошкор ва мавриди  тафтиши пешакӣ қарор дода шуданд.

     Аммо ба қавли раиси Агентии давлатии назорати молиявӣ ва мубориза бо коррупсия, аз ҳама бештар ҷиноятҳои коррупсионӣ аз тарафи кормандони дар вазоратҳои тандурустӣ 26,  энергетика ва саноат 10, маориф ва кишоварзӣ 9, нақлиёт ва коммуникатсия 7, меҳнат ва ҳифзи иҷтимоии аҳолӣ 6 Кумитаи давлатии заминсозва гиодезӣ 9 ҷиноят содир гардидаанд.

     Аз ҷумла, Фаттор Саидов вобаста ба коррупсия дар соҳаи тандурустӣ афзуд: "Дар ҳамин сохтор (вазорати тандурустӣ) бештар ҷиноятҳои иқтисодиву коррупсионӣ дар қиёс ба дигар сохторҳо бештар ба назар мерасад. Ҳатто ба он дараҷа ки кӯмакҳои башардӯстона ҳам харидуфурӯш мешаванд. Дар сохтори вазорати корҳои дохилӣ нисбат ба дигар ниҳодҳои интизомӣ ҳам бештар ҷиноят ба назар мерасад. Мо бештар гирифтани пораро ошкор мекунем. Медонед, ки нисбат ба дигар сохторҳои қудратӣ ҳайати шахсии онҳо ҳам бештар аст. Ҳар рӯзу ҳар соат, ки бо мардуманд, ҷинояташон низ бештар ошкор мешавад."