Бонки миллӣ: Нархҳо боло рафтанд!

Шариф Раҳимзода, Раиси Бонки миллии Тоҷикистон дар ҷамъи хабарнигорони расонаҳои дохиливу хориҷӣ аз фаъолияти семоҳаи ниҳоди мазкур ҳисобот дод.

Аз рӯи маълумоти Ш.Раҳимзода меъёри таваррум дар семоҳаи аввали соли ҷорӣ 4,5 фоизро ташкил додааст, ки нисбат ба ҳамин давраи соли гузашта 2,9 банди фоизӣ  зиёд будааст. Болоравии нархи маҳсулоти ғизоӣ дар ин давра аз ҳама бештар буда, 6,6 фоизро ташкил додааст.

Ҳамчунин, аз рӯи гуфти Раиси Бонки миллӣ, қурби сомонӣ нисбат ба доллари  ИМА дар муқоиса ба аввали сол 1,4 фоиз паст фаромадааст. Дар се моҳи аввали соли 2011, 190,2 млн. сомонӣ ба муомилот бароварда шуда, 100,0 млн. сомонӣ пулҳои коғазии корношоям ва фарсуда аз муомилот бозпас  гирифта шудаанд. Имрӯз ҳаҷми пулҳои нақди дар муомилотбуда, 2,5 млрд. сомониро ташкил дода, аз он 21,2 млн. сомониро тангаҳои филизи ташкил медодаанд.

- Дар кишвар теъдоди банкоматҳо то 253 адад, терминалҳо то 105 адад ва нуқтаҳои пешниҳоди пули нақд то 239 адад зиёд шудаанд, ки ин аз зиёд будани талабот ба ин навъӣ хизматрасониро нишон медиҳад,- гуфт, Ш.Раҳимзода.