Вазорати меҳнат: ДАРОМАД ЗИЁД ШУДААСТ!

Дар се моҳи аввали соли ҷорӣ ба мақомоти шуғли аҳолӣ 34414 нафар шаҳрвандон доир ба масъалаҳои шуғл муроҷиат намуданд, ки аз ин ба 12827 нафар мақоми бекорӣ дода шуд. Ба 1433 нафар бинобар аз даст додани ҷойи кор ба муддати аз 3 то 6 моҳ кӯмакпулӣ барои бекорӣ пардохт гардид.

- Бо мақсади мусоидат барои дарёфти ҷойи кори муносиб ба шаҳрвандон аз ҷониби мақомоти шуғли аҳолӣ дар ин давра 152 ярмаркаҳои ҷойҳои кори холӣ ва вазифаҳои озод гузаронида шуд, ки дар натиҷа 1097 нафар соҳиби ҷойи кор шуданд, - вазири меҳнат ва ҳифзи иҷтимоии аҳолӣ Маҳмадамин Маҳмадаминов.