«Авфи тиллоӣ»-ро интизор бояд шуд?

Дар семоҳаи аввал ба Суди Олӣ 3 парвандаи гражданӣ ворид гардида, ба яктои он таъйинот оид ба эътироф ва иҷрои ҳалномаҳои судҳои давлатҳои хориҷӣ бароварда шуда, 2 парвандаи дигар мавриди баррасӣ қарор дорад.

То имрўз 697 адад аризаҳои шикоятии шаҳрвандон ба роҳбарияти Суди Олӣ расида,  505 ариза  ҳаллу фасл гардида, 192 арзу шикоят дар марҳилаи омўзиш қарор дорад.

Дар масъалаи набудани «Ҳукми сафед» Нусратулло Абдуллоев афзуд: «Агар соли гузашта танҳо як нафар сафед карда шуда бошад, дар семоҳаи аввали соли 2011 аллакай чаҳор парвандаи сафедшавӣ доштем.

Дар хусуси «Авфи тиллоӣ» ва эълон шудан ё нашудани он дар арафаи 20-умин солгарди Истиқлолияти Тоҷикистон раиси Суди Олӣ гуфт, ки мувофиқи қонун эълони авф танҳо аз ҷониби Президент сурат мегирад ва ҳоло дар мавзўи «Авфи тиллоӣ» ў ягон маълумоте надорад.