СУМАНГУЛ ТАҒОЕВА: «МУҚАДДАСОТИ ОИЛАДОРӣ МИЁНИ ҶАВОНОН КОҲИШ ЁФТААСТ»

- Ин теъдод аз он никоҳҳое мебошанд, ки расмӣ ба қайд гирифта шудаанд. Расман ақди ниқоҳ баставу бекор карда шудааст. Сабаби асосӣ, мутаассифона он аст, ки солҳои охир ҷавонон он қадар масъулияти баландро дар ҳифзи оила ва пешбурди он ҳис намекунанд. Дар рафти сӯҳбат бо чунин оилаҳо ман мушоҳида кардам, ки онҳо онқадар ба зиндагии мустақил омода нестанд, на ҷавондухтарон ва на ҷавонписарон. Онҳо ана ҳамон муқаддасоти асосиеро, ки аз қадим ба миллати тоҷик хос буд, намехоҳанд нигоҳ доранд. Ҳамин муқаддасоти оиладорӣ каме коҳиш ёфта истодааст,- мегӯяд Сумангул Тағоева.

Тавре ӯ изҳор дошт, вақте дар суд мурофиаи судӣ оид ба бекор кардани ақди никоҳ меравад, байни зану шавҳар тибқи қонунгузорӣ мӯҳлат барои оштишавӣ пешбинӣ шудааст.

- Мо дар инҷо ба як хулосае омадем, ки шояд миёнаравҳое лозим ҳастанд, ки дар ҳамин муддат бо ҳамин оила кор кунанд. Ин миёнарав намояндаи Кумитаи занон, раиси маҳалла, одамони обрӯманди маҳаллае буда метавонад, ки ин ҷавон дар онҷо истиқомат мекунад. Бигзор ин нафар хешу табори наздикашон бошад, ё шахсе бошад, ки тавонад ду тарафро бо ҳам оштӣ кунонад. Дар чунин ҳолат фикр мекунам, ки қисми зиёди оилаҳо барқарор мешаванд,- афзуд С. Тағоева.