Падару модар дар тарбияи фарзанд вазифадор мешаванд

     Ин мақоми баландпояи кишвар мегўяд, имрӯз сифати таълим дар муассисаҳои таълимӣ ба талабот ҷавобгӯ нест ва ба гуфтаи ӯ, яке аз сабабҳои ин ҳолат он аст, ки аксарияти падару модарон масъулияти таълиму тарбияи фарзандонашонро танҳо ба мактабу муаллим ҳавола мекунанд.

                                            Гузариш ба низоми 12-солаи таҳсилот

                                             марҳала ба марҳала сурат мегирад

     Ҳамчунин дар ин нишаст вазири маориф иттилоъ дод, ки тарҳи ислоҳоти Вазорати маориф гузариши марҳила ба марҳиларо ба низоми нави таҳсил дар назар дорад. Мутобиқ ба ин тарҳ, солҳои 2014-2015 қабули муҳассилин ба мактаб аз синни 6 шурӯъ хоҳад шуд ва дар солҳои 2016-2017 мактабҳои Тоҷикистон пурра ба низоми таълими 12-сола хоҳанд гузашт.

     Ҷаноби Раҳмон дар ҳамин робита гуфт, тарҳи тағйироту иловаҳо ба қонуни маориф барои ҷорӣ кардани низоми 12-солаи таҳсилоти миёнаи умумӣ аз сӯйи палатаи болоии парлумони кишвар тасдиқ шудааст.

     Барои роҳандозӣ кардани низоми нав Вазорати маориф гурӯҳи вижаи корӣ таъсис додааст, ки ба омӯзиши вазъи феълии макотиби таҳсилоти умумӣ ва ин низоми ҷадид машғул хоҳад шуд.

     Тасмими боз як соли дигар тамдид кардани таҳсил аз сӯйи Вазорати маориф ба хотири мутобиқ ба меъёрҳои ҷаҳонӣ ба роҳ мондани сатҳи таълим гирифта шудааст. Ба ақидаи масъулин, ин навъи низоми тадрис метавонад ба падидаи тарки таҳсил кардани хонандагон хотима гузорад.

Медалҳои байналмилалӣ меафзоянд

     Тибқи иттилои Шокирҷон Гадоев – Директори маркази ҷумҳуриявии кор бо мактаббачаҳои шоиста, муҳассилини тоҷик дар олимпиадаҳои байнулмиллалӣ дар Ҷумҳуриҳои Қазоқистон, Туркия, Озарбойҷон, Русия, Амрикои Лотинӣ, Молдава ва Руминия бештар дар фанҳои дақиқ иштирок карда, сазовори 47 медали тилло, 48 медали нуқра ва 91 медали биринҷӣ гаштанд. 

 Кўдакистонҳо ниёз ба ислоҳот доранд

     Ҳамчунин Абдуҷаббор Раҳмонов аз вазъи таълиму тарбия дар кўдакистонҳо низ ибрози нигаронӣ карда афзуд, ки мутаассифона дар муассисаҳои томактабӣ шахсони тасодуфӣ зиёд роҳ ёфтаанд ва вазъи ин ниҳодҳо низ ташвишовар шудааст. Тавре вазири маориф гуфт, ҳар он чизе, ки мутааллиқ ба вазорати мо буд, чопи китобҳову дастурамалҳо барои мураббияҳоро ба роҳ мондем ва  курсҳои тахассусию бозомўзиро ташкил кардем. Дигар муваффақияти кор дар ин ҷода вобаста ба маҳорати мураббияҳою масъулият бошад, бар ўҳдаи раисони кўдакистонҳост.