19

Мая, 2025
Душанбе

19

Мая, 2025
Душанбе

  • Сарсаҳфа
  • Хабарҳо
  • Сиёсат
  • Варзиш
  • Зебоӣ
  • Аз ҳар боб
  • Феҳрист
    • Президент
    • Иқтисод
    • Фарҳанг
    • Тандурустӣ
    • Ҳуқуқ
    • Иҷтимоъ
    • Чеҳра
    • Мусоҳиба
    • Ҷавонон
    • Қонунҳо
    • Маҷаллаҳо
    • Соли рушди деҳот, сайёҳӣ
    • Дастархон
    • Нигористон
    • Иртибот
  • Дар бораи мо
  • Тамос
Хатогӣ
  • JLIB_DATABASE_ERROR_FUNCTION_FAILED

МАДАДГОРИ КӮДАКОНИ РАНҶУР

dasvbiu6t3Духтур беморро муоина ва сипас табобатро таъин мекунад. Ҳамшираҳои шафқат бояд ин таъинотро ба сомон расонанд.

Аксар вақт ҳамшираҳо бо беморон бештар аз духтур муошират мекунанд. Аксаран беҳбудии табобат ба маҳорати ӯ низ бастагӣ дорад. Дар шуъбаи наҷоти оҷили навзодони Маҷмааи тандурустии Истиқлол ҳар рӯз наздики 10 нафар кӯдак бо иллатҳои гуногуни модарзодӣ бистарӣ мешаванд. Дар ин кор табибон ва ҳамшираҳои шафқат вазифадоранд, ки навзодҳоро табобат ва нигоҳубин намоянд. Парвина Аҳмадова аз зумраи ҳамшираҳои шафқатест, ки дар ин шуъба даст ба кор аст. Ӯ 23 сол дорад. Дар ин синну сол вай ба намудҳои гуногуни бемориҳои кӯдакона аллакай ошно гаштааст.

Дар шуъбаи наҷоти оҷили навзодон дар як шабонарӯз 3 нафар табиб, 3 нафар ҳамшираи шафқат ва 2 нафар поккор навбатдор меис­танд. Чун муҳит бисёр риққатовар аст, ба ҳолати руҳии инсон бетаъсир намемонад.

- Муддати 24 соати навбатдорӣ ба по рос­тем. Ба кӯдакон сӯзандору мегузаронем, ҳарорати баданашонро месанҷем, ба кӯдаконе, ки зери нафаси сунъӣ ҳастанд, зиёд аҳамият медиҳем. Бештар ҳолати кӯдакони вазнинро дида зиёд руҳафтода мешавем. Ҳарчанд ба хона ҳам равем, фикри кӯдакони бемор моро мудом дар сар аст. Вақте кӯдаке шифо меёбаду назди модар мебарем, баробари модараш хушҳол мегардем,- мегӯяд ӯ.

Парвина Аҳмадова хатмкардаи Коллеҷи тиббии ноҳияи Данғара буда, корро аз шуъбаи наҷоти оҷили навзодон шуруъ намудааст. Дар баробари кори вазнини наҷотбахшии тифлҳои мариз, боз ба корҳои хона ва тарбияи духтарчаи дӯстрӯякаш низ вақт меёбад.

Заҳмати шабонарӯзии кормандони ин даргоҳ баҳри беҳбуди насли солими миллат аст. Насиба Солиева мудири шуъбаи наҷоти оҷили навзодони Маҷмааи тандурустии Истиқлол барои тамоми кормандон муҳити хуби кориро фароҳам овардааст. Парвина мекӯшад, то ки дар пайравии ин бонувони соҳибтаҷриба фаъолият барад. Ҳамшираи шафқат дасти рости табиб аст. Вазифаҳои вай аз нигоҳубини беморон ва иҷрои дастурҳои табибон иборат буда, шафқат ва ҳамдардӣ нисбат ба дарди каси дигар яке аз муҳимтарин хислатҳои ҳамшираҳо маҳсуб меёбад.

Ф. ШАЪБОН

:.  Тандурустӣ 23.02.2022 06:22 638

pressident1

Муассис:
Президенти Ҷумҳурии Тоҷикистон

Шумораи навбатӣ


Шумораи навбатӣ
ШУМОРАИ НАВБАТИ-МАРТИ СОЛИ 2024
  • Бойгонӣ

Соли рушди деҳот, сайёҳӣ ва ҳунарҳои мардумӣ 2019-2021


Пешниҳоде чанд барои рушди сайёҳӣ
  • Бойгонӣ

Дастархон


Оши туппаи баҳорӣ
  • Бойгонӣ

Нигористон


Баҳор намои зебои ҷавонист
  • Бойгонӣ

watertj

  • Сарсаҳфа
  • Хабарҳо
  • Сиёсат
  • Варзиш
  • Зебоӣ
  • Аз ҳар боб
  • Феҳрист
  • Дар бораи мо
  • Тамос
[+992] 2-38-55-67
[+992] 2-38-55-68
Аз 8:00 то 18:00
Рӯзи истироҳат, Якшанбе
Ҷумҳурии Тоҷикистон, ш. Душанбе, хиёбони Саъдии Шерозӣ - 16, ошёнаи 10.
Сомонаи маҷаллаи ҳармоҳаи давлатии сиёсӣ, иҷтимоӣ ва фарҳангӣ
Created By: DodikhudoevParviz