ФИШОРИ БАЛАНД: САБАБИ РӮ ЗАДАНИ ДИАБЕТИ ҚАНД

Яке аз сабабҳои асосии пайдоиши ин намуди диабети қанд - ҳангоми бемориҳои вирусӣ (зарпарвин, сурхакон, сурхча, ҳерпис, паротити эндемикӣ) аст , ки системаи иммунитети инсон ба ҷавоби вирус аз ҳад зиёд антителаҳо хориҷ менамояд ва онҳо ҳуҷайраҳои ғадуди зери меъдаро нобуд мекунанд.

Як сабаби дигари пайдоиши диабети қанди инсулинвобаста, яъне кам истеъмол намудани сафедаҳо ва аминокислотаҳо мебошад. Вайроншавии ҳосилшавии ферментҳо ва нуқсонҳои авлодии бета ҳуҷайраҳо низ сабабгори диабети қанд шуда метавонанд.

Нишонаҳои даибети қанди новобаста из инсулин (ДҚНИ), навъи 2. Ин намуд диабети қанд миёни калонсолон бештар маъмул аства он  аз зиёд истеъмол намудани ғизо ва вайроншавии мубодилаи моддаҳо пайдо мегардад.

Сабабҳои пайдоиши диабети қанди навъи 2 ё ДҚНИ. Бештар шахсони (занон) синашон аз 40 боло гирифтори ин намуди диабети қанд мешаванд. Сабаи асосии пайдоиши ДҚНИ ин вазни зиёд ва фарбеҳӣ мебошад, чунки барои ба танзим даровардани мубодилаи глюкоза зиёдтар инсулин лозим мешавад. Аммо ғадуди зери меъда аз уҳдаи ин «дархост» намебарояд ва дар натиҷа миқдори қанди хун баланд мегардад. Қайд кардан лозим аст, ки гузаронидани инсулини сунъӣ ин проблемаро бартараф нанамуда, шахсро бисёртар ба фарбеҳӣ меорад ва дар ин ҳолат тавсияи парҳез бисёр муфид мебошад.

Сабаби дигари пайдоиши намуди 2 ин вайроншавии механизми пайвастшавии ҳуҷайра ва инсулин мебошад, яъне ретсепторҳои ҳуҷайра инсулинро намешиносанд, дар натиҷа қанд дар хун зиёд мегардад. Дар ин ҳолат талабот ба инсулин зиёд гардида, одам хароб мешавад ва бисёртар ғизо истеъмол мекунад, ки ба фарбеҳшавӣ овада мерасонад. Ҳамин тавр, давраи сарбаста ҳосил мегардад, яъне ғадуди зери меъда бисёр кор мекунад, то ҳуҷайраҳоро бо глюкоза таъмин намояд. Одам бисёр ғизо истеъмол менамояд, то гуруснагиро бартараф намояд. Дар натиҷ, ҳуҷайраҳои нав пайдо мешаванд, ки онҳо низ ба инсулин эҳтиёҷ доранд.

Яке аз сабабҳои асосии дигари сар задани ин беморӣ омили ирсӣ ба ҳисоб меравад. Дар баробари сабабҳои номбурдашуда баланравии фишори хун низ ба бемории диабети қанд оварда мерасонад.

                                                                                             Гулноз