«Сапеда»

Тибқи Низомнома фестивали мазкур дар ду давр доир мегардад. Давраи аввали он аз 25 март то 25 апрел дар шаҳру ноҳияҳои ҷумҳурӣ ва даври дуюм аз 25 апрел то 16 май дар ВМКБ, Суғд ва Хатлон, шаҳри Душанбе ва ноҳияҳои тобеи ҷумҳурӣ гузаронида шуд.

Тибқи иттилои корманди масъули маркази матбуоти Вазорати фарҳанг Раҳматулло Раҳматуллоев, ҳадаф аз баргузории фестивал фароҳам овардани шароити мусоид барои вусъати нерӯи эҷодӣ ва қобилияти кӯдакону наврасон, дарёфти чеҳраҳои нав – овозхонҳо, навозандагон, раққосон, натоққон, ровиён, рассомон, наққошон, кандакорон ва дигар ҳунармандон, ташвиқу тарғиби ҳунару истеъдодҳои асил ва барои ривоҷу равнақи суннатҳои миллӣ, тарбияи завқи маънавии кӯдакону наврасон дар рӯҳияи ватандӯстӣ мебошад.

Пас аз қабули даври дуввуми Фестивал аз ҷониби Шӯрои бадеӣ иштирокчиёни даври ниҳоии Фестивал, ки 1 июни соли 2011, дар Рӯзи байналмилалии ҳифзи кӯдакон дар маҷмааи давлатии «Кохи Борбад» баргузор мегардад, муайян карда мешаванд.

Дар назар аст, ки дар ҷараёни баргузории Фестивал дар баробари барномаи рангини ҳунарӣ, намоиши беҳтарин ҳунарҳои кӯдакон ва наврасон дар мавзӯъҳои санъати тасвирӣ, наққошӣ ва кандакорӣ, санъати амалӣ(нақшҳо дар матоъ, заргарӣ, кулолгарӣ, санъати мӯд, дизайн), ихтироъкорӣ ва лоиҳаҳои иноватсионӣ ба маърази тамошо гузошта мешаванд.